Gjyqi për ish-kreun e kadastrës së Vlorës është shtyrë për të mërkurën, kjo për faktin se gjyqtari i çështjes ndodhet në ILDKPKI.
Mëngjesin e kësaj të marte Klodian Troci, Spiro Duani dhe Bardhyl Gjika kanë mbërritur në Gjykatën e Apelit në Vlorë për të zhvilluar seancën gjyqësore. Ata kanë kërkuar ndryshimin e masës së dhënë ga Gjykata e Shkallës së Parë e cila caktoi masën e sigurisë “Arrest me burg”.
Troci ka kërkuar lehtësimin e masës së sigurisë mbi pretendimin se shuma prej 69 mijë eurosh është përfituar në mënyrë të ligjshme. Ndër të tjera ai pohon se ka në kujdestari një djalë të vogël për të cilin nuk mund të kujdeset askush tjetër.
Spiro Duni ka kërkuar ndryshim mase pasi vuan nga problemet shëndetësore, madje dhe masa e arrestit iu komunikua na ambientet e spitalit.
Bardhyl Gjika ka kërkuar reduktim të masës së sigurisë për shkak të moshës.
Gjyqtari i çështjes Nazmi Troka nuk u paraqit në seancë pasi ndodhet në Inspektoratin e Lartë të Deklarimit dhe Kontrollit të Pasurive dhe Konfliktit të Interesave.
Këta 3 persona janë dënuar për shpërdorimin e detyrës në momentet kur kanë qenë në funksione të larta. Konkretisht kanë tjetërsuar pronat e qytetarëve e më pas duke i shituar ato kundrejt vlerave monetare. Për shkak të situatës së krijuar, problemi i pronave në Vlorë nuk po merr zgjidhje prej vitesh.
