Deputeti i Partisë Demokratike, Helidon Bushati ka reaguar në një rrjetin social facebook për situatën në të cilën ndodhet aktualisht Universiteti i Shkodrës.
“Universiteti i Shkodrës pëson tkurrjen më të madhe të studentëve në historinë e tij”, shkruan Bushati duke hedh akuza ndaj qeverisë Rama.
“E ardhmja e vendit është marrur peng nga padija e kësaj qeverisje. Kurrë më shumë se sot, e ardhmja e vendit tonë nuk ka qënë në pikëpyetje”.
Postimi i plotë:
“Universiteti i Shkodrës pëson tkurrjen më të madhe të studentëve në historinë e tij. Tkurrje me 40% e numrit të studentëve të regjistruar, një katastrofë e vërtetë!
Projektin shpopullues të Edi Ramës për Shqipërinë dhe rrënues për arsimin, po e prek çdo prind, student, mësues dhe pedagog. Shifrat janë këmbana që bien fort, sot është një ditë e trishtë për Universitetin e Shkodrës.
E ardhmja e vendit është marrur peng nga padija e kësaj qeverisje. Kurrë më shumë se sot, e ardhmja e vendit tonë nuk ka qënë në pikëpyetje.
Fjalët e At Zef Pllumit për vitet e errëta të diktaturës janë më aktuale se kurrë:
“Shqipënia e terrorizume kishte ranë në koma, njerëzit e ditun nuk dishin ma kurrgja dhe njerëzit e paditun kishin në dorë gjithçka, atë që nuk dihej.”
Partia Demokratike ka një plan konkret për rikthimin e studentëve në auditore, për një sistem arsimor meritokratik dhe cilësor. Një plan i detajuar që ka marrë vemëndjen e pedagogëve të Universitetit të Shkodrës dhe studentëve. Një plan konkret dhe jo mashtrime e premtime boshe.” – shkruan Bushati
