Autoritetet britanike kanë arrestuar një 20-vjeçar, i cili dyshohet se është i lidhur me një kërcënim, i cili u hetua kundër stadiumit të Leeds.
Leeds mund të rihapë dyert e stadiumit Elland Road nga sot (26.03), pasi policia e West Yorkshire i kërkoi klubit anglez të mbyllte terrenin për shkak të një kërcënimi sigurie.
Policia tha se kishte arrestuar një 20-vjeçar të premten (24.03) “në lidhje me ngjarjen dhe hetimet janë duke vazhduar”. Kërcënimi është bërë të enjten përmes rrjeteve sociale.
“Policia e West Yorkshire ka këshilluar Leeds United që stadiumi Elland Road mund të rihapet menjëherë. Kërkojmë falje për çdo ndërprerje dhe falënderojmë publikun për mbështetjen e tyre”,- thuhet në deklaratën e Leeds.
Kujtojmë se Leeds kishte njoftuar se “zyrat, biletat dhe dyqani i stadiumit” do të qëndronin të mbyllura deri në njoftimin e mëtejshëm, pas këshillave të policisë, me autoritetet që po shqyrtonin seriozitetin e raportimeve për një kërcënim ndaj objekteve të ekipit.
Mediat britanike raportuan se ka pasur një kërcënim përmes rrjeteve sociale, si pasojë e të cilit policia ka kryer kontrolle dhe duket se hetimet e kryera… kanë arritur tek i riu konkret 20-vjeçar.
Discussion about this post