Në një kohë kur Edi Rama dhe Ulsi Manja po bëheshin gati për të mbajtur konferencën e parë kundër korrupsionit, një kompani e kontrolluar nga Tom Doshi ka marrë brenda ditës 50 tendera në sektorin e shëndetësisë. Bëhet fjalë për kompaninë Aldosch Farma, të cilën Tom Doshi e kontrollon përmes një peronazhi misterioz me emrin Aqif Hoxha.
Nga viti 2015, Ministria e Shëndetësisë dhe degët e saj kanë dhënë mbi 22 mijë tendera me vlerë qindra mijëra euro. Janë 874 kompani që kanë përfituar para publike. Aldosch Farma ka marrë në total 2200 tendera, pra 10 % të tenderave në shëndetësi nga viti 2015 deri më sot kanë shkuar për Tom Doshin.
Çuditërisht shumicën e tenderave kompania e Tom Doshit i ka marrë pas shpalljes së tij në listën e zezë nga Shtetet e Bashkuara të Amerikës në vitin 2018, për korrupsion madhor. Nga ana tjetër, qeveria deklaron se nuk të pranojë asnjë propozim të Sali Berishës pasi është non grata.
Në seancën e kaluar plenare, Rama tha se Sali Berisha as nuk duhet të fliste sepse ishte non grata. Por, nga ana tjetër, ministërja e tij e Shëndetësisë, Ogerta Manastirliu dhe drejtorët e saj i japin çdo javë para publike Tom Doshit, madje deri në 50 tendera në ditë./Prapaskena.com/
Discussion about this post