Skllavëri në kohë moderne, kjo është jeta e 29 emigrantëve në një shtëpi në Bristol, ku shfrytëzoheshin nga një çift britanik. Maros Tancos dhe Joana Gomulska të cilët janë dënuar me 25 vite burg trafikuan të paktën 29 njerëz në Britani, disa prej tyre të rritur në jetimore, pasi u premtuan një jetë më të mirë.
Por, ajo që iu ofrua emigrantëve ishte keqtrajtim, mjerim dhe burgosje në shtëpinë e quajtur “Porta e Ferrit”. Viktimat u detyruan të punonin falas në biznesin e lavazhit të Tancos në Bristol përpara se të shkonin në punë të tjera gjatë natës. Ndërkohë që çifti i shpenzonte pagat e tyre në makina dhe lojëra të fatit.
Një prej tyre u detyrua të punonte në lavazh me krah të thyer, ndërsa një tjetër u largua pasi mbeti shtatzënë dhe lindi një fëmijë të kequshqyer.
Prokurorët thanë se rasti zgjati gati një dekadë. Tancos, 45, dhe 46-vjeçarja Gomulska u dënuan në Gjykatën e Kurorës së Bristol të mërkurën pasi u dënuan për vepra penale të skllavërisë moderne në prill pas një gjyqi tre mujor. Tancos u burgos për 16 vjet dhe Gomulska u dënua me nëntë vjet burg.
Discussion about this post