Një i ri nga Korça i cili vuan dënimin për trafik narkotikësh në Maqedoninë e Veriut ka denoncuar kushtet e burgut ku ndodhet.
Personi në fjalë aktualisht ndodhet në burgun e Idrizovës në Shkup, pasi është dënuar me 6 vite burg. Kushtet në burg janë skandaloze, ushqimi i pa konsumueshëm si dhe u është mohuar komunikimi me familjen. Pavarësisht se ligji e lejon, të dënuarve nuk u jepet kjo mundësi, ku e vetmja mundësi është blerja e një telefoni i cili kushton deri në 1000 euro.
I riu ka shtuar ndër të tjera se shokët e tij të cilët kanë shfaqur probleme shëndetësore nuk po trajtohen nga mjekët, duke i lënë aty pa asnjë shërbim. Siguria është zero, ku dikush mund të të vrasë apo e kundërta. Ambasada nuk ka bërë asnjë reagim edhe pse është vënë në dijeni për këtë situatë katastrofë.
Në përfundim, ai i kërkon shtetit të marrë masat.
Këto janë fjalët e tij:
“Ushqimi është i parregullt, mungesa higjienike, mos zbatimi i rregullores nga personeli ndaj të huajve. Kemi tortura psikike. Ligji përmban që i dënuari të ketë komunikim me familje por për fat të keq nuk ka telefona burgu që të kontaktosh me familjen që të dimë nëse janë gjallë apo jo. Pika më kryesore është se nuk na japin ushqim, edhe pse shteti ynë paguan. Sjellin një kokërr vezë të prishur. Nuk ka mjekësi. Kam shumë shokë që vuajnë nga sëmundja dhe nuk trajtohen dot. I kemi bërë thirrje Ambasadës sonë, por na ka kthyer përgjigje qesharake. Po na mohohen të drejtat. Në çdo moment mund të hyjë dikush në dhomë dhe mund të të vrasë ose mund të vesh ti të vrasësh dikë. Jeta jonë është në rrezik çdo minutë. Jam dënuar 6 vite, kam bërë një gabim për bukën e gojës. Nuk e kam ndërmend që të shtoj dënimin duke u bërë kriminel sepse më detyrojnë këto. Shteti jonë të marrë masa”, ka thënë shqiptari.
Discussion about this post