Klubi i Tottenham shkarkoi disa minuta më parë trajnerin Nuno Espirito Santos, i cili kishte vetëm katër muaj që e kishte marrë këtë detyrë.
Teknikut iu hoq drejtimi i stolit të ‘Spurs’ pas humbjes 3-0 ndaj Manchester United të shtunën, teksa ka pësuar disfatë në pesë nga shtatë takimet e fundit të Premier League.
Këtë vendim e komunikojë vetë drejtori i klubit Fabio Paratici, teksa tashmë në mediat britanike po raportohet se drejtimin e skuadrës së Tottenham do e marrë Antonio Conte.
Madje gazetari i njohur sportiv Fabrizio Romano ka theksuar se klubi anglez është në bisedime të avancuara dhe po përpiqet që ta bindë Conten.
“Tottenham tani po përpiqet të bindë Antonio Conte si trajner i ri për të zëvendësuar Nuno. Ai ka qenë gjithmonë në krye të listës që nga qershori ku nuk kishte asnjë marrëveshje me bordin e Spurs.”-shkruan Romano./K.T/Gijotina.com
