Skuadra angleze e Tottenham Hotspur është në kërkim të një portieri, për të zëvendësuar kapitenin, francezin Hugo Lloris. Gjigandi mediatik “ESPN” raporton se londinezët kanë zgjedhur Dean Henderson të Manchester United, me shpresën se “Red Devils” do ta lënë të lirë portierin 26-vjeçar.
Momentalisht ai është pjesë e Nottingham Forest, në huazim, ku ishte titullar në pjesën e parë të sezonit në Premier League.
Së fundmi Henderson ka kaluar portier i dytë, pasi zgjedhja e parë në shkurt u bë gardiani nga Kosta Rika Keylor Navas. Tottenham e ka projektuar anglezin si numrin 1 për portën dhe në verë pritet të konkretizohen tratativat për transferimin në kryeqytet.
Discussion about this post