Tottenham ka rihapur garën për një vend në Champions League pasi ka mposhtur Arsenalin 3-0. Ndeshja nisi me një ritëm të qetë, ndërsa pas 20 minutash lojë, Cedric bëri një ndërhyrje të gabuar në zonë dhe detyroi arbitrin të akordojë një 11-metërsh për vendasit.
Penalltinë e ktheu goleadori Harry Kane, duke prishur edhe ekuilibrat e takimit. Gjithçka do të bëhej edhe më e lehtë për ekipin e Conte, kur Holding la me 10 lojtarë ekipin e Arsenal.
Pak minuta më vonë Tottenham shfrytëzoi epërsinë numerike dhe dyfishoi rezultatin me të njëjtin autor, Harry Kane. Edhe pjesa e dytë nisi menjëherë në sulm, me Tottenham që gjeti dhe golin e tretë me anë të Son.
Arsenal provon të ngacmojë vazhdimisht kundërshtarin, por me 10 lojtarë “Topçinjtë” dukeshin të pafuqishëm për të bërë diçka më shumë. Kështu, sfida përfundoi me rezultatin 3-0 dhe Tottenham del nga ky takim me tre pikë shumë të rëndësishme në luftën për një vend në Champions League.
Tashmë diferenca midis dy ekipeve është vetëm një pikë, me Arsenal që qëndron në vendin e katërt në kuotën e 66 pikëve. Tottenham shpreson në një tjetër hap fals të skuadrës së Arteta.
Discussion about this post