Francesco Tottit i është bërë një statujë me 70 mijë tulla Lego dhe u prezantua ditën e sotme në kryeqytetin e Italisë, Romë.
Në përurimin e statujës, ka folur ish-kapiteni i Romës i cili u ndal te Europa League dhe Mourinho. Totti e konsideron trajnerin portugez, numrin një në botë duke u shprehur se do të donte një derbi Juventus – Roma në finale.
“Po flasim për një trajner të madh, një nga trajnerët numër një në botë, kështu që duhet që të bëhet e pamundura që të mbahet në shtëpi një trajner si ai.
Për të fituar, duhet numri një. Ne kemi lindur për të vuajtur. Tani jemi duke pritur për ndeshjen e dytë ndaj Leverkusenit dhe shpresojmë të marrim atë që të gjithë duam. Në finale dua Juventusin.”- deklaroi legjenda e Romës.
Discussion about this post