Yaya Toure, një ish-futbollist që luajti për Barcelonën midis viteve 2007 dhe 2010, parashikoi këtë të mërkurë ndeshjen e dytë gjysmëfinale të Kupës së Mbretit, të planifikuar për sonte, në Camp Nou (katalanasit kanë fituar ndeshjen e parë 1-0). Gjithsesi, ish-lojtari, pavarësisht avantazhit, nuk parashikon lehtësira për blaugranat.
“Real Madridi e ka pasur gjithmonë atë forcë dhe ne e dimë këtë. Ata kanë cilësi dhe mentalitet, që është ndryshe nga të tjerët. Sa herë që luaja kundër Real Madridit, kisha përshtypjen se ata mund të fitonin. Ata kanë mentalitet fituesi dhe janë luftarakë.
Në minutat e fundit ata shtrëngohen fort për të marrë fitoren. Në Europë të gjitha skuadrat kanë frikë nga Real Madrid, por Real Madrid ka frikë nga Barcelona. Kështu ka qenë gjithmonë”,- ka deklaruar ai në një intervistë për Marca.
“Barça është në avantazh. Ajo fitoi në ndeshjen e parë dhe ka më shumë opsione në këtë lojë. Nuk mendoj se do të ketë një barazim, por nëse ka, do të jetë diçka si 2-2 ose 3-3, nuk shoh një 0-0 ose 0-1. Siç është tani Barça, do ta fitojë ndeshjen dhe ndoshta edhe Kupën e Mbretit”, vazhdoi ai.
Ish-mesfushori pranoi se e bindi Kessie të nënshkruante për Barcelonën: “Po, e bëra. Dhe tani është mirë. Nuk ka shumë minuta, sepse skuadra është fenomenale dhe ka shumë njerëz cilësorë si Busquets, De Jong, Pedri apo Gavi. Por ai po mëson i rrethuar nga njerëz shumë të mirë.”
Yaya Toure u stërvit nga Pep Guardiola te Barcelona dhe Manchester City: “Ai është një trajner me një vizion dhe mirëkuptim të madh për futbollin. Stili i tij i stërvitjes është i qëndrueshëm kur ai luante për Cityn ose Barçën. Për mua, çdo trajner ka stilin e vet dhe kjo është ajo që i bën ata të ndryshëm”.
Discussion about this post