Roberto Mancini zyrtarisht nuk është më trajner i Arabisë Saudite. Pas 14 muajsh me zhgënjime, ish-trajneri i Italisë ka arritur një marrëveshje me Federatën Saudite për zgjidhjen e kontratës princërore të nënshkruar pas vendimit të tij për t’u larguar nga kombëtarja e të kaltërve.
Bordi Drejtues i Federatës Saudite të Futbollit dhe trajneri i kombëtares Roberto Mancini, thuhet në njoftim, kanë arritur sot një marrëveshje të përbashkët e cila parashikon përfundimin e marrëdhënies kontraktuale.
Pika që mbushi gotën ishte ajo që ndodhi gjatë pushimit të fundit ndërkombëtar. Barazimi ndaj Bahreinit (0-0) dhe humbja ndaj Japonisë (0-2) gjatë dy ndeshjeve të fundit kualifikuese për Botërorin 2026, ishin një goditje për ambiciet e ekipit aziatik, i cili deri më tani ka fituar vetëm pesë pikë në katër ndeshje. Pak, shumë pak për Federatën, që kishte pritshmërive të mëdha me Mancinin trajner.
Discussion about this post