Edhe gjatë orëve të mbrëmjes trafiku në Tiranë vijon të jetë i tmerrshëm ku shumë zona dhe rrugë kyçe janë të bllokuara ku qarkullimi i mjeteve është tepër i avashtë. Zonat për problematike janë zona e ish Doganës, kthesa e Astirit, Lapraka, zona e Trenit dhe ish fusha e Aviacionit janë ata që kanë fluksin më të lartë, ku mjetet mbeten të bllokuara.
Kaosi në këto rrugë lidhet edhe me faktin e punimeve në zonën e Unazës së Madhe. Edhe pse pak ditë më parë u bë hapja e tunelit numër 5 nuk ka sjellë një lehtësim të trafikut, përkundrazi ka ngatërruar edhe më shumë qytetarët, të cilët nuk dinë më se ku të hyjnë dhe të dalin për të arritur në destinacionet e tyre për shkak se mungojnë tabelat orientuese. Për të shkuar në qendër, qytetarët duhet të kthehen djathtas, e ndërsa për të ikur në ‘Astir’ duhet të kalojnë në tunel, ndërkohë që më parë ka qenë e kundërta.
Ndërkohë që trafiku në zonën e Unazës, 9 Katëshet, Rruga e Dibrës, Zogu i Zi, 21 Dhjetori, kanë dyndje makinash por qarkullimi vazhdon pa bllokim.
Policia Rrugore është në terren në kryqëzimet problematike për normalizimin e situatës.
