Prokuroria e Posaçme nuk ka pranuar kallëzimin e Olsi Ramës ndaj Gazment Bardhit për kallëzim të rremë. Prokurori i Posaçëm Elvin Gokaj, më datë 17 Prill, ka vendosur mosfillimin e procedimit penal, për kallëzimin e paraqitur nga Olsi Rama.
Arsyetimi i prokurorit ka qenë se Gazment Bardhi nuk ka bërë kallëzim, dhe në rast se nuk ka një të tillë, nuk është targetin e SPAK hetimi.
Sipas denoncimit publik të Bardhit të mbështetur në hetimet e ish-Prokurorisë për Krime të Rënda, një person i paidentifikuar, i moshës 45 vjeç, rezulton të ketë përdorur automjetin me targa AA 653 DM. Sipas të dhënave të TIMS, dënoncoi Bardi, Olsi Rama është përdorues i këtij automjeti, së bashku me tre drejtuesit e tjerë të organizatës kriminale.
Denoncimi
Më 28 Mars, Bardhin denoncoi nga selia blu se Olsi Rama është trafikant i dosjes së kokainës “Xibraka”, por i ka shpëtuar drejtësisë për shkak të favorizimit nga policia dhe prokuroria e kohës.
Ai zbuloi dokumente të sistemit TIMS, që siç u shpreh, tregojnë se Olsi Rama dhe drejtuesit e grupit kriminal të kokainës kanë përdorur të njëjtin automjet, gjatë periudhës Prill – Dhjetor 2014. Bardhi tha se një procedim penal i ri nisi si derivat i dosjes së Xibrakës që kishte në qendër një person të pa identifikuar “i moshës 45 vjeç me flokë të shkurta” i cili sipas hetuesve, dyshohej se ishte pjesëtar i grupit që u godit nga autoritetet vendase pas sinjalizimeve nga homologët gjermanë. Ky person, deklaroi demokrati, është pikërisht Olsi Rama.
Të njëjta akuza hodhi në një emision televiziv gjatë mbrëmjes, ndërsa një ditë më pas njoftoi se dorëzoi dokumentet e publikuara në SPAK. Prokurorisë së Posaçme i kërkoi publikisht të nisë hetimet për vëllain e kryeministrit, si dhe të verifikojë veprimet e prokurorëve të dosjes dhe policisë së kohës.
Padia nga Olsi Rama dhe reagimi i kryeministrit
Në një reagim publik, Olsi Rama mohoi akuzat dhe u shpreh se po goditet vetëm se i vëllai mban postin e kreut të qeverisë. Një ditë më parë, kallëzoi Bardhin për kallëzim të rremë.
Për çështjen, foli një ditë më parë dhe kreu i qeverisë Edi Rama në një intervistë televizive. I pyetur, “si ka mundësi që nuk reaguar kur përmendet një pjesëtar i familjes suaj”, Rama u përgjigj se “unë nuk reagoj për çështje personale”.
“Unë nuk kam reaguar për çështjen e tim vëllai as këtu në Shqipëri. Im vëlla është 55 vjeç. Ka të gjithë kapacitetin e tij dhe detyrimin të përballet si gjithë të tjerët. Kështu që ajo është një çështje që i takon këtu tani drejtësisë. I takon SPAK, Gjykatës Speciale. Të vendosin kush është fajtori në këtë”, shtoi ai.
Rama ka refuzuar dhe një interpelancë për çështjen.
Në një postim në rrjetin sociale “X”, Rama i etiketoi akuzat “fabrikime” dhe “fantazi”. Kreu i qeverisë u shpreh se Bardhi duhet të presë fjalën e SPAK, ndërsa shtoi se “nuk jemi përpara asnjë urgjence të posaçme”.
Rregullorja e Kuvendit thotë shprehimisht se, citoj, “interpelanca është kërkesa me shkrim, që i drejtohet kryeministrit, zv.kryeministrit ose çdo anëtari tjetër të kabinetit qeveritar mbi motivet, synimet, qendrimet e Këshillit të Ministrave, lidhur me aspekte te rendesishme te…
— Edi Rama (@ediramaal) April 3, 2024
Discussion about this post