Piloti britanik Richard Styles është dënuar së bashku me dy persona të tjerë pasi trafikoi me avion 4 emigrantë të paligjshëm shqiptarë drejt Anglisë.
Styles u arrestua në aeroportin Deenethorpe në Northamptonshire, sapo zbriti nga fluturimi me aeroplanin e tij së bashku me tre burra dhe një grua, të cilët po përpiqeshin t’i shmangeshin kontrolleve të imigracionit.
Hetuesit e britanik zbuluan Richard Styles, kishte bashkëpunuar me ish-pilotin dhe shokun e tij të aviacionit Silvano Turchet, për të marrë me qira për 1500 £ nga një fushë ajrore në Lincolnshire. Ata ishin në kontakt me një shqiptar të njohur si ‘Tim K’ i cili dha orientimet që pasagjerët e paligjshëm të Styles ta takonin atë në Belgjikë.
Pas arrestimit të Styles, grupi shqiptar u ndalua në një taksi Mercedes të drejtuar nga Vijayakumar Sivakumar.
Gjykata dënoi Styles me shtatë vjet burg, Turchet me shtatë vjet e gjysmë dhe Sivakumar me katër vjet e gjysmë, ndërsa shqiptarët u akuzuan për shkelje të ligjit të imigracionit.
Discussion about this post