Një 46-vjeçar shqiptar, i arrestuar në kufirin Franko-Luksemburg, u dënua në Francë për trafik të lëndëve. DNA shkruan se Gjykata e Mulhouse e dënoi shqiptarin me 1 vit e 6 muaj burg për trafik droge, për të cilin fillimisht ishin në shënjestër protagonistë të tjerë. Në shtëpinë e tij u sekuestruan afro 600 gr përzierje heroine dhe produkte prerëse.
“Është pak si mali që lind një mi”, komentoi kryetarja e trupit gjykues Christine Schlumberger, duke iu referuar çështjes së 46-vjeçarit shqiptar, të gjykuar për gjashtë vepra penale që datojnë në vitet 2017-2018: blerje, posedim, ofertë ose transferim, transport, import dhe eksport i lëndëve narkotike.
Hetimi fillestar, i cili përfshinte oficerë policie gjermane dhe franceze, ka të bëjë vërtet me protagonistë të tjerë, të cilët në fund nuk u ndoqën penalisht.
Discussion about this post