Trafikuan 585 kg kokainë, dënohen me burgim të përjetshëm 4 shqiptarët në Selanik – Emrat

Gjykata e Apelit e Selanikut ka dënuar me burgim të përjetshëm 5 persona, katër prej të cilëve shtetas shqiptarë me lidhje familjare me njëri-tjetrin, të përfshirë në trafikun e drogës, pasi u kapën me 585 kg kokainë.

Gjykata dënoi kreun e grupit Arjan Xhafaj, nga Cakrani i Fierit, bashkëshoren e tij Lutmira Xhafaj 42 vjeç, pronare e një bar-kafe në Cakran, edhe dy nipërit e 50-vjeçarit,  Avelino Feimi dhe Klevis Muskaj, si edhe një 36-vjeçar grek.

Kjio ishte sasia më e madhe e kokainës e kapur nga në qytet dhe një nga më të mëdhatë në territorin grek.

Droga me origjinë nga Amerika Latine do të sillte fitime 11 deri 33 milionë nëse do të përfundonte në tregun me shumicë, ndërsa në tregun me pakicë fitimi mund të arrinte edhe në 175 milionë euro.

Svastika naziste e simbolizuar nga disa nga 500 pakot e konfiskuara të kokainës (të tjerat kishin logon e një kompanie prodhuese makinash).

Si u arrestuan nga policia greke 1 vit më parë:

Policia greke në bashkëpunim me DEA Amerikane sekuestroi 585 kg kokainë në Selanik dhe vuri në pranga 5 shqiptare, katër prej të cilëve me lidhje familjare me njëri-tjetrin. Kreu i grupit Arjan Xhafaj, 50 vjeç nga Cakrani i Fierit dhe bashkë me të është arrestuar edhe bashkëshortja, Lutmira Xhafaj 42 vjec, pronare e një bar-kafe në Cakran.

Operacioni është zhvilluar rreth orës 17.40, kur policia greke fillimisht nga ndaluar në Selanik një automjet i cili rezultonte i marrë me qira. Drejtuesi i mjetit ishte 21-vjeçari nga Cakrani i Fierit, Klevis Muskaj. Në mjetin e tij policia greke sekuestroi 239 pako me 280 kg 758 gram kokainë. 10 minuta më pas, është tentuar të ndalohet një tjetër mjet në zonën e “Neous Epibates”.

Drejtuesi i mjetit, në tentativë për t’u larguar, përplasi një mjet policia dhe më pas u përplas me rrethimin e një shkolle.

Ai u identifikua si Avelino Feimi, 33 vjec, nga Vlora. Dy drejtuesit e mjeteve, rezulton nipat e Arjan Xhafajt. Policia greke vijoi me kontrollin në banesën e Xhafajt, ku u sekuestruan 23 pako me 26 kg 701 gram kokainë, 1 dedektor metalesh, 12 çanta IKEA, 1 prerës metalik, 1 pako doreza njëpërdorimshe, 1 palë gërshërë profesionale.

Në banesë veç tij dhe bashkëshortes, u gjet dhe u arrestua edhe Ilirian Baraj, 35 vjeç nga Fieri, me shtetësi greke. Gjatë kontrollit trupor të të arrestuarve, u gjetën dhe sekuestruan 7440 euro, 7 celularë, 4 karta bankare dhe shënime dore.