Vazhdojnë të zbulohen detajet të tragjedisë familjare së ndodhur në Brest, Francë, ku një çift shqiptarësh u gjetën të pajetë. Mediat lokale kanë bërë publik identitetin e viktimave, të cilët janë Andon Janaqi, 36 vjeç, dhe partnerja e tij, Anjeza Zeneli, 30 vjeçe.
Ngjarja e rëndë ndodhi të enjten në banesën e tyre, ku hetuesit francezë e shohin ngjarjen me pistën kryesore atë të vrasjes së Anjeza Zenelit nga Andon Janaqi, i ndjekur nga vetëvrasja e këtij të fundit me armë zjarri. Pas dëgjimit të të shtënave, policia gjeti trupat e pajetë të çiftit dhe një pushkë gjahu pranë tyre.
Ky çift ishte prindër i dy fëmijëve, ku njëri prej tyre nuk kishte arritur të hynte në banesë pas të shtënave, ndërsa fëmija më i vogël ndodhej në shkollë në momentin kur ndodhi tragjedia.
Discussion about this post