Kunata e Alma Arazit ndodhet nën hetim, pasi ka dyshime se ajo nuk dha dëshmi të sinqertë para grupit hetimor. Kjo u bë e ditur nga gazetarja Anila Hoxha e cila shton se personi i tretë në këtë marrëdhënie, e dashura e Erdgysit, do të pyetet në një moment të dytë, pasi ndodhet në gjendje të rënduar emocionale.
“Personi kyç në këtë histori është kunata, gruaja e cila ndahet në takimin e fundit, ka dyshime se nuk është e sinqertë, çfarë kanë diskutuar realisht gratë me njëra tjetrën, ka dyshime grupi hetimor, se kanë indiciet e tyre, gjatë 2 orëve ka patjetër diçka që është thënë e cila ka qenë pika që mbushi gotën, kunata është nën hetim në gjendje të lirë. Një grua e tretë që është historia jashtëmartesore e cila kishte 7 muaj, grupi hetimor vendosi ta pyesë në një moment tjetër sepse ndodhet në një gjendje të rënduar”
Hoxha, deklaroi po ashtu se pritet përgjigje nga kompanitë celulare nëse është e vërtetë dëshmia e Erdgys Arazit. Gjatë dëshmisë para grupit hetimor ai tha se në momentin e tragjedisë ishte në një dyqan celularësh.
“Të ndjerët kishin një qese, kishin çokollatë, patatina, shtegu i fundit, momenti i fundit i tyre, çështja është regjistruar për shkaktim vetëvrasjeje, akuzën e vrasjes ndaj tre fëmijëve, e dyshuara kryesore ka humbur jetën dhe çështja nuk mund të vijohet. Zyrtare është që i vetmi dyshim që grupi hetimor ka që gruaja u shty drejt vetëvrajes prej dhunës psikologjike, një e dhënë kuptimplotë është që është kërkuar provë në qelizat e telefonit një nga albitë nëse ka qenë rreth perimetrit bashkëshorti duke qenë në urën e Bunës. Në dëshminë e tij, ai tha se ishte në dyqanin e celularëve, që është larg vendit të ngjarjes, ai tregoi vendndodhjen, por për të provuar shkencërisht duhet përgjigje nga kompanitë celulare”, u shpreh gazetarja.
Discussion about this post