Polumbarët e RENEA po kontrollojnë Liqenin e Banjës në Gramsh për gjetjen e trupave të pajetë të 4 personave që humbën jetën pasditen e sotme.
Në vendin e ngjarjes përvec forcave të policisë lokale, ndodhen edhe ekipet e zjarrfikësve si dhe efektivë dhe polumbarë të RENEA-s.
Nga raportimet mësohet se trupi i parë i pajetë që u gjet ishte ai i Arben Zogut 46 vjeç, dhe më pas nga polumbarët e RENEA u gjetën edhe dy trupa të tjerë.
Policia u njoftua nga familjarë të viktimave rreth orës 19:00 të pasdites së sotme, ndërsa buzë liqenit janë gjetur rrobat, 3 aparatë celularë dhe dy biccikleta, që nga verifikimet rezulton se i përkasin viktimave.
Viktimat janë babai dhe dy djemtë, si dhe një kushëri i tyre. Personat që kanë humbur jetën në ngjarjen tragjike janë Arben Zogu 46 vjeç dhe dy djemtë e tij, Rubens Zogu 19 vjeç e Esti Zogu 14 vjeç, si dhe kushëriri i tyre Melsi Zogu 20 vjeç.
Discussion about this post