Ka filluar kthimin në vendin e tyre të lënduarve në aksidentin tragjik në autosdradën ‘Struma’ në Bullgari ku humbën jetën 45 shqiptarë nga Maqedonia e Veriut. Dy pacientët e parë janë nisur mëngjesin e sotëm me autoambulanca për në Maqedoni.
Sipas medias bullgare BGNES dy pacientët janë dorëzuar tek ekipi mjekësor të Maqedonisë, ndërsa mjekja Anastasia Viktorova nga Klinika e Djegieve dhe Kirurgjisë Plastike e spitalit bullgar “N.I. Pirogov” është shprehur se pacientët të cilët dolën nga spitali ishin në gjendje të mirë shëndetësore.
Nga spitali i Sofjes nesër do të dalin edhe dy të plagosur, më 30 nëntor, dy të tjerë dhe një person tjetër i lënduar më 1 dhjetor.
Dhe ata janë në gjendje të mirë dhe të qëndrueshme shëndetësore sipas medias bullgare.
Discussion about this post