Kanë kaluar dy ditë nga tragjedia në Deçan, ku mbetën të vrarë n dy nxënës dhe shoferi i autobusit me të cilin ata udhëtonin. Ndërsa policia vazhdon kërkimet për autorin e ngjarjes, Departamenti për Krime të rënda në Prokurorinë Themelore në Pejë ka deklaruar sot se kanë në dosje disa indikacione, që, që mund të çojnë në zbardhjen e ngjarjes.
“I kemi disa indikacione, të cilat jemi duke i gjurmuar dhe jemi duke ecur përpara që t’i vërtetojmë. Disa rrethana na tregojnë se nuk do ta kemi të lehtë, por unë jam optimiste se do ta bëjmë”, tha prokurorja Sahide Gashi.
Kujtojmë se, mbrëmjen e 26 nëntorit, tre persona , në mesin e tyre dy nxënës shkolle, mbetën të vrarë nga të shtënat në drejtim të një autobusi në afërsi të fshatit Gllogjan të Komunës së Deçanit, rreth 100 kilometra larg Prishtinës. Motivi i ngjarjes nuk është ende i qartë, por Policia e Kosovës shprehet se nuk ka arsye për të besuar se incidenti është akt terrorist.
Discussion about this post