Detaje të reja janë zbardhur sot nga ngjarja e rëndë ka ndodhur një ditë më parë në Elbasan, ku një 52 vjeçare është hedhur nga kati i tretë i një pallati dhe si pasojë ka humbur jetën. Motra e viktimë, Flutura ka treguar në një intervistë televizive se, shkak për këtë ngjarje të rëndë është bërë dhuna sistematike që Fatbardha Likrama nënë e tre fëmijëve përjetonte në familje, nga bashkëshorti, vjehrra dhe vjehrri i saj. Ajo ka bërë me dije se një ditë para ngjarjes motra e saj për shkak të dhunës kishte shkuar tek ajo për ty strehuar.
“Motra ka ardhur tek unë me dhëmbë të thyer e me flokë të shkulura, ku ndër të tjera thekson dhe dhunën psikologjike që kishte filluar të ushtrohej ndaj saj. 2 ditë më parë kishte kërkuar urdhër mbrojtje nga policia, dhe erdhi për strehim tek, por erdhi djali dhe e mori me forcë e ktheu në shtëpi”, u shpreh ajo.
Ndërkohë mësohet se në momentin e ngjarjes ajo ka qenë vetëm në banesë është ngjitur në katin e tretë dhe është vetë hedhur. Ndër të tjera ajo deklaron se Fatbardha i kishte shprehur disa herë se do të vetëvritej nëse situata do të vijonte. Policia e Elbasanit pas ngjarjes theksonte se ajo vuante nga depresioni, por motra e saj e ka hedhur poshtë një gjë të tillë
Discussion about this post