Katër personat e familjes Zogu që humbën jetën pasditen e djeshme në Liqenin e Banjës në Gramsh, u u gjetën nga ekipet e polumbarëve 4 metra larg bregut.
E ndërsa në fshatin Cingar të Gramshit ka pllakosur zia, janë zbuluar të tjera detaje nga ngjarja tragjike ku mbetën të pajetë babai me dy djemtë dhe një kushëri i tyre.
Trupat e pajetë janë gjetur pranë njëri-tjetrit, çka duket se krijon edhe panoramën mbi atë që ka ndodhur, ndoshta një tentativë për të shpëtuar nga mbytja.
Arben Zogu, 46 vjeç bashkë me dy djemtë e tij, Rubensi 19 vjeç dhe Esti, 14 vjeç si dhe nipi Melis Zogu, 20-vjeç kishin dalë të premten pas mesditës për t’u freskuar në këto ditë me temperatura të larta në Liqenin e Banjës në Gramsh.
Strukturat u angazhuan pasi familjarët nuk po lidheshin dot me ta. Por asnjë shenjë jete sikurse u nxorën trupat e tyre nga ujërat e liqenit të Banjës, pas më shumë se 1 orë e 30 minuta kërkimesh në errësirë.
“Babai me dy djemtë e vet kanë ardhur për t’u larë dhe kanë tërhequr njëri-tjetrin. Është mbytur i pari, ka vajtur për të ndihmuar i dyti, pra kanë tërhequr njëri tjetrin”, tha mbrëmjen e djeshme shefi i ekipit zjarrfikës.
Ajo që konfirmohet, të paktën nga ekipet që morën pjesë në kërkimin e trupave të pajetë, është se viktimat nuk dinin not, dhe se në liqen ka gropa, që krijojnë pasiguri dhe paqëndrueshmëri.
Discussion about this post