Të paktën 19 persona humbën jetën në plazhet shqiptare gjatë sezonit veror si pasojë e mbytjes në det. Nga të dhënat e grumbulluara nga Federata e Vrojtuesve të plazhit, 14 persona humbën jetën si pasojë e arrestit kardiak dhe 5 të tjerë u mbytën në det.
“Rritja e numrit të vrojrtuesv e sjell edhe uljen e numrit të viktimave. Këtë sezon ishin 19 viktima, 14 si pasojë e atakut kardiak dhe si pasojë e mbytjes janë vetëm 5 raste. Ngjarjet kanë ndodhur kur nuk ka pasur vrojtues” – u shpreh Robert Neçaj, Zv.Presidenti i Federatës Shqiptare të Vrojtuesve të Plazhit.
Në plazhin e Shëngjinit nevojat për vrojtues ishin shumë të mëdha, ku nga 250 që duhet për të mbuluar të gjithë vijën bregdetarë vetëm 70 ishin të licensuar. Neçaj shtoi se janë shënuar vetëm 4 viktima përgjatë këtij sezoni, edhe ato kanë ardhur si pasoje e arrestit kardiak dhe kanë ndodhur në ato zona ku nuk mbulohej me vrojtues plazhi.
