Një i mitur është gjendur pa shenja jete në një serrë afër shtëpisë së tij në komunën e Vitisë, në Kosovë. Pasi ka mbërritur Policia në vendin e ngjarjes, është konstatuar edhe vdekja e tij. I mituri ishte nxënës në shkollën fillore të mesme të ulët “Dëshmorët e Kombit”, në Viti.
Për rastin në fjalë, stafi i kësaj shkolle ka dal me një letër ngushëllimi drejtuar familjes së të miturit.
“Sot morëm lajmin e hidhur për vdekjen e nxënësit të shkollës sonë Arif Dinarica. Drejtoria e shkollës në emër të personelit të shkollës, në emër të nxënësve dhe këshillit drejtues ju shprehë ngushëllimet më të sinqerta familjes Dinarica” – thuhet në telegramin e shkollës.
Edhe komuna e Vitisë ka shprehur ngushëllime familjes Dinarica për humbjen e familjarit të tyre.
“E nderuara familje Dinarica, nxënës e mësimdhënës të ShFMU “Dëshmoret e Vitisë” paralelja në Drobesh. Me dhimbje të thellë morëm lajmin për humbjen e jetës së më të dashurit tuaj dhe nxënësit tonë, Arif Dinarica. Në emër të kryetarit të Komunës, Sokol Haliti, Drejtorisë së Arsimit dhe Institucioneve Komunale, pranoni ngushëllimet tona më të sinqerta. Ndajmë dhimbjen me ju në këto momente të vështira dhe pikëllimi” – thuhet në njoftimin e komunës.
Discussion about this post