Tragjike në qytetin shqiptar, dy vajza hidhen nga kati i katërt

Dy vajza në Ferizaj kanë rënë nga kati i 4-të i një ndërtese, njëra nga të cilat ka vdekur.

Lajmin për Gazetën Express e ka konfirmuar zëdhënësi i Policisë për Rajonin e Ferizajt, Kanun Veseli, i cili tha se vajza e cila ka vdekur ishte 15-vjeçare, ndërsa e lënduara 18-vjeçare.

“Me datën 21.01.2023 rreth  orës 21:35 policia rajonale e Ferizajt ka pranuar një informacion se në rrugën “Sandër Prosi” në Ferizaj, dy vajza të moshës 18 dhe 15 vjet kanë rënë nga kati i 4 , i një objekti banesor. Të njëjtat vajza për ndihmë mjekësore janë dërguar në Qendrën Emeregjente në Ferizaj e më pas për trajtim mjekësor ( nē gjendje tē rëndë shëndetësore) janë dërguar për në QKUK-Prishtinë”.

Ai njoftoi se Prokuroria themelore në Ferizaj po heton rastin.

“Njëra nga të lënduarat Z.M (F/K) e moshës rreth 15 vjeçe për pasojë ka ndërruar jetë, kjo e konfirmuar nga mjekët , ndërsa e lënduar ka mbetur A.M (F/K) e moshës rreth 18 vjecare. Policia Rajonale e Ferizajt ,hetuesit janë në vendin e ngjarjes dhe nën autorizim të prokurorit kujdestar nga Prokuroria Themelore e Ferizajt po e hetojnë rastin”, thuhet në konfirmimin e Veselit.