Dy oficerë të rinj të sherifit të Floridas në SHBA që sapo ishin bërë prindër, kanë vrarë veten dy ditë larg njëri-tjetrit, duke lënë jetim fëmijën 1-muajshe, njoftuan autoritetet.
Oficeri Clayton Osteen vdiq më 1 janar ndërsa oficerja Victoria Pacheco i kishte dhënë fund jetës “pas vdekjes së oficerit Osteen,” njoftoi në një deklaratë sherifi Ken Mascara.
“Unë si sherif i konsideroja këta dy oficerë të rinj si të vyer, ambiciozë dhe plotësues të mirë të stafit tonë profesional”, tha mes të tjerash,” Mascara.
Policia ishte thirrur në shtëpinë e Osteen natën e vitit të ri dhe zbuluan se ai ishte plagosur rëndë duke tentuar të vriste veten, teksa ishte jashtë detyre.
Një ditë më vonë familja e tij e pashprese vendosi të ndalonte makinerinë që e mbante në gjendje kome, tha Mascara.
Ndërsa të martën autoritetet mësuan për vetëvrasjen e Pacheco, për të cilën ata nuk treguan mënyrën e vdekjes.
“Është e pamundur për ne të kuptojmë plotësisht rrethanat personale që çuan në këtë humbje shkatërrimtare, por lutemi që tragjedia të jetë një nxitje për ndryshim, një nxitje për zbutjen e stigmatizimit të mirëqenies mendore dhe të normalizimit të bisedave për sfidat me të cilat secili nga ne përballet rregullisht në këtë botë,” tha Mascara.
24 vjeçari Osteen kishte shërbyer më parë me marinsat e SHBA-ve dhe kishte marrë medaljen Oficeri i Vitit në 2020-ën, një vit pas aderimit në polici, shkruan rrjeti WPTV .
Ai kishte shpëtuar jetën e një personi gjatë detyrës duke i bërë frymëmarrje artificiale dhe masazh kardio-pulmonar, sipas agjecisë.
Ndërsa 23 vjeçarja Pacheco, e cila kishte hyrë në polici në 2020, ishte gjithashtu oficere e dalluar.
“Clayton e Victoria ishin prindër për herë të parë, të lumtur për familjen e tyre. Por tragjikisht për arsye të panjohura Clayton u vetëvra natën e vitit të Ri, dhe Viktoria e ndoqi te dashurin dy ditë më vonë”, shkruhej në një faqe mbledhjeje fondesh bamirësie për funeralin dhe të voglin e të ndjerëve, që ka mbetur jetim.
Discussion about this post