Një ngjarje e rëndë është shënuar paraditen e sotme në Cërrik. Burime nga policia për gijotina.com bëjnë me dije se rreth orës 12:15, në aksin rrugor Elbasan-Belsh, në vendin e quajtur “Kryqëzimi i lagjes nr. 3”, Cërrik, në rrugë, dyshohet se aksidentalisht, personi i identifikuar me iniciale Erjon Rexhepi 27 vjeç, banues në Cërrik, i ka shpërthyer një sasi lëndë plasëse në dorë dhe për pasojë ka humbur jetën.
Ngjarja ka ndodhur pranë banesës së të riut.
Ndërkohë, si pasojë e shpërthimit të fuqishëm, është dëmtuar edhe një automjet që ndodhej aty pranë.
Nuk dihet ende nëse bëhet fjalë për një atentat, apo ngjarja ka qenë aksidentale.
Në vendngjarje ka mbërritur grupi hetimor dhe nën drejtimin e Prokurorisë po vijon puna për sqarimin e rrethanave të ngjarjes.
Discussion about this post