Zef Gjoni, trajneri i Alban Beqirit i cili fitoi medaljen e bronzit në kampionatin Botëror të Boksit që u zhvillua në Serbi ka kërkuar publikisht një përballje me Florian Markun në Tiranë.
“Unë kam luftuar gjithmonë për boksin e vërtetë. Kemi parë shumë gjerdanë që marrin, nga shoqata anonime dhe këto unë nuk i kam pëlqyer kurrë. Ndërsa medalja e Beqirit është arritje historike e Shqipërisë në boks.
Unë i kam kërkuar me dashamirësi Florian Markut, meqë ai i ka premtuar kryetarit të bashkisë, Erion Veliajt, që do të ndeshet në Tiranë. I kam kërkuar që të bëjë një duel të pastër miqësor, pa futur në mes gjerdanin apo medaljen, që të kemi një sfidë mes tij dhe Alban Beqirit.
Secili boksier të tregojë vlerat në boksin profesionist. Besoj që një ndeshje të tillë e dëshirojnë të gjithë shqiptarët. Po presim një përgjigje prej tij”, përfundoi Gjoni.
Discussion about this post