Situata e Covid-19 në Premier League është shumë alarmante, me shumë ndeshje që janë shtyrë për shkak të infektimeve.
Deri më tani raportohet se janë infektuar 90 futbollistë, ndërsa mbi 10 takime janë shtyrë për një afat të dytë, me kampionatin që pritet të vazhdojë ndeshjet me 26 dhjetor.
Të gjithë klubet po tentojnë të bëjnë të pamundurën që të mbajnë në zero numrin e të infektuarve brenda grupit, ndërsa së fundmi trajneri i Southampton, Ralph Hasenhuttl, ka zbuluar edhe një vendim për të minimizuar rrezikun e infektimit.
“Situata me COVID-in ndryshon çdo ditë, deri tani jemi mirë por do të testohemi sërish. Po mundohemi t’i përmbahemi rregullave dhe të qëndrojmë të sigurt. Jemi në një moment të mirë, teksa kemi marrë disa masa. Ushqimin nuk po e konsumojmë në ambientet e mbyllura ndërkohë që futbollistët e paketojnë dhe ushqehen në shtëpi. Së fundmi, kemi përdorur makinat personale për t’u ndërruar. E di që nuk është situata më e mirë për futbollistët, por ky moment na detyron të veprojmë në këtë formë. Do të mundohemi të minimizojmë kohën që kalojmë në qendrën stërvitore dhe nëse dikush rezulton i infektuar të mos shkaktojë një valë të tërë infektimi në grup. Kështu, kemi vepruar edhe më parë kur kishim të infektuar në organikë dhe këtë po bëjmë edhe tani. Po mundohemi për më të mirën”,- është shprehur trajneri i Armando Brojës./K.T/Gijotina.com
Discussion about this post