Shkarkimi i Bernard Challandes nga stoli i Kombëtares së Kosovës ka bërë që të nisin zëra për zëvendësuesin e tij.
Sipas medias zviceriane ‘Blick’, legjenda e përfaqësueses së tyre, Alexander Frei do të jetë trajneri i ri i dardanëve.
Aktualisht ai është duke udhëhequr skuadrën nga Challange League, FC Wil, ndërsa më herët ka qenë në kryer të grup moshave te Baseli dhe ka qenë drejtor sportiv te Luzerni.
42-vjeçari ka luajtur për skuadra si Basel, Thun, Luzern, Servette, Rennes, Borussia Dortmund dhe në fund u rikthye në Basel, për të mbyllur karrierën në vitin 2013.
Frei ka luajtur me Kombëtaren e Zvicrës nga viti 2001 deri në 2011 ku ka zhvilluar 84 ndeshje dhe shënuar 42 gola.
Pas daljes në pension si futbollist Frei u bë drejtor sportiv te Luzerni ku qëndroi për një vit nga 2013 deri më 2014, teksa në 2015-ën tekniku mori drejtimin e të rinjve të Baselit, ku qëndroi për tre vite dhe që nga 2020-a është trajner i Wilit.
Rikujtojmë se shkarkimi i Challandes nga Federata e Futbollit të Kosovës erdhi pas rezultateve të dobëta në kualifikueset e Botërorit ‘Katar 2022’, ku e fundit ishte mundja në shtëpi nga Gjeorgjia me rezultatin 1-2./K.T/Gijotina.com
