Vllaznia ende nuk e ka larguar mllefin për arbitrat. Goli i anuluar në Kupë kundër Partizanit rëndon ende dhe trajneri Elvis Plori ka folur sot në prag të ndeshjes kundër Kastriotit, që luhet nesër në “Loro Boriçi” nga ora 17:45.
“Nuk është hera e parë që na japin goditje. Erdhi në një moment kur kishim shumë mungesa. Ndeshja duhet vlerësuar, Kastrioti ka bërë mirë dhe nuk ka humbur. Ka pësuar rritje. Lojtarët tanë e kanë vlerësuar këtë ndeshje. Nuk është e lehtë.”
“Arbitrat? Unë dua të qetësoj lojtarët, që mos e kenë mendjen te ata. Kam deklaruar pas ndeshjes se duhet ta gjejmë si pikë të fortë për motivim. Goli i anuluar mos na bëjë pesimistë, të jemi optimistë për fitore.
Këtë vit arbitrat kanë gabuar shumë, kanë qenë flagrante rastet që kanë ndikuar në rezultat. Edhe ne kemi pasur gabime, të punojmë për maksimumin”, përfundoi Plori.
Discussion about this post