Çdo ditë e më shumë vazhdon të thellohet skandali i ‘Pandora Papers’, ndërsa mësohet se emra të tjerë të mëdhenj janë përfshirë në skemën e ‘parajsës fiskale’.
‘Sky’ raporton se është zbuluar emri i trajnerit të kampionëve të Europës, Roberto Mancini dhe ndihmësit të tij Gianluca Vialli si pjesë e kësaj liste.
Mancini shfaqet në disa dokumente ku tregohet se ai është aksionar i shoqërisë “Bastian Asset Holdings”, me seli në Ishujt Virxhin.
Ndërsa Viallio është regjistruar ose figuron si pronar i një tjetër shoqërie “Crewborn Holdings”, një kompani që gjithashtu është regjistruar në Ishujt Virxhin.
Bazuar mediave italiane trajneri aktual i Italisë i kishte kërkuar një shoqërie italiane që ta ndihmonte në çështjet për të rregulluar pozitën e tij në lidhje me autoritetet fiskale në Itali.
Ndërsa sipas dokumenteve të bëra publike, shoqëria e re e krijuar nga Mancini në Karaibe ishte pronare e një avioni./K.T/Gijotina.com
