Hetimet në lidhje me transferimet te klubi i Juventus vazhdojnë, ndërsa tashmë duket se vëmendja është kthyer nga ylli i Manchester United, Cristiano Ronaldo.
‘Gazzetta.it’ raporton se nga hetuesit po shqyrtohen edhe disa përgjime: bëhet fjalë për një telefonatë në fund të shtatorit mes Federico Cherubini dhe Cesare Gabasio për të ngjallur dyshimin se në marrëdhëniet kontraktuale mes Juventusit dhe Cristiano Ronaldos fshihen detaje nga dokumentet zyrtare të klubit.
Më tej raportohet se avokati që ka mbikëqyrur departamentin ligjor që nga janari 2021 flet për një “punim të famshëm që teorikisht nuk duhet të ekzistojë”.
Guardia di Finanza u dërgua për të kërkuar këtë “letër sekret” në zyrën e Gabasio, megjithatë deri më tani nuk raportohet të jetë gjetur gjë.
Supozohet se kjo letër sekrete është një shkrim privat dhe se i referohet marrëdhënies kontraktuale dhe pagave të prapambetura të CR7./K.T/Gijotina.com
Discussion about this post