Pas vrasjes së ndodhur në burgun e sigurisë së lartë të Peqinit, ku Sokol Mcaja ekzekutoi me armë zjarri Arben Lleshin dhe plagosi një tjetër të dënuar, ka nisur transferimi i disa të burgosurve nga Peqini në drejtim të Burrelit.
Paraprakisht, nga autoritetet janë zhvendosur pajisjet që të dënuarit kanë pasur në dhomat e tyre dhe më pas do të realizohet edhe transferimi i të burgosurve.
Por në një prej frigoriferëve, gjatë kontrollit, është gjetur një celular, një pajisje që nuk lejohet të përdoret nga të dënuarit.
Ende nuk dihet se kujt i përkiste frigoriferi në të cilin është gjetur një aparat celular i vendosur në një vend të fshehtë të tij.
Prej mbrëmjes së djeshme në të gjitha burgjet e sigurisë së lartë janë kryer kontrolle për gjetjen e sendeve të paligjshme, por edhe shtimin e masave të sigurisë.
Discussion about this post