Afrimi i radhës i Romës duhet të jetë Granit Xhaka edhe pse nga Arsenal nuk bëhet asnjë ulje për çmimin e kartonit të shqiptarit.
Sipas ‘Corriere dello Sport’ anglezët kërkojnë plot 23 milionë euro për kapitenin e Kombëtares së Zvicrës dhe kjo është një pengesë pasi italianët nuk janë të gatshëm të paguajnë një shifër të tillë.
Megjithatë duket se Xhaka nuk pranon të shkojë askund tjetër përveçse në Romë te ekipi i trajnerit Jose Mourinho, i cili e ka zgjedhur shqiptarin si një strumbullar për mesfushën e tij.
Kontrata 4-vjeçare për një pagë prej 2.5 milionë eurosh në sezon plus shpërblimet tashmë është rënë dakord. Xhaka nga ana e tij po bën gjithçka për këtë transferim, madje raportohet se ai është i gatshëm të heqë dorë nga disa shpërblime të prapambetura për të shpejtuar negociatat me Romën./Gijotina.com
