E papritur ka qenë ndodhia e sotme në Lojërat Olimpike ‘Tokio 2020’, ku boksieri maroken Youness Baalla ka tentuar të kafshojë veshin e kundërshtarit të tij.
Në duelin e 1/8-ave në boks Baalla u përpoq që të kafshonte rivalin nga Zelanda e Re, David Nyika. Kjo ngjarje na ktheu 24 pas në kohë, moment kur Tyson kafshoi veshin e Evander Holyfield, në duelin e dytë që ata zhvillonin bashkë.
Të njëjtin veprim tentoi ta bënte sot boskieri nga maroku në raundin e tretë dhe të fundit të ndeshjes, por që nuk mund të finalizohej pasi u pikas nga gjyqtari.
Kjo ndeshje u fitua nga Nyika me rezultatin 5-0, i cili pas garës konfirmoi edhe incidentin dhe u shpreh se nuk mund ta kuptonte një veprim të tillë në Lojërat Olimpike.
“Për fat ai nuk arrriti ta kafshonte veshin, pasi mbrojtësja e dhëmbëve e pengoi dhe u largova. Nuk e kuptova këtë veprim, jemi në Lojërat Olimpike.’-tha boksieri nga Zelanda e Re./Gijotina.com
