U arrestuan ditën e diel duke transportuar 15 klandestinë egjiptianë, gjykata e Vlorës sot ka caktuar masën e sigurisë për 5 të arrestuarit. Bëhet fjalë për shtetasit e arrestuar,4 shqiptarë si dhe një 61-vjeçar me shtetësi egjiptiane.
Gjykata e Shkallës së Parë Vlorë ka lënë në burg 2 shtetas, ndërsa 3 të tjerët janë lënë në arrest shtëpie, vendim ky i marrë nga gjyqtarja Arbana Selmanaj, pavarësisht se Prokuroria e Vlorës kishte kërkuar masën e sigurisë “arrest me burg” për të 5-të të arrestuarit.
Më tej gjykata vendosi:
Klodian Gjikondaj, arrest me burg
Mohamed Sherif, arrest me burg
Fatjon Belaj, arrest shtëpie
Rober Hysa, arrest shtëpie
Arjol Lleshi, arrest shtëpie
Mohamed Sherif, personi i cili lidhte kontaktet me shtetasit egjiptianë
Klodian Gjikondaj cilësohet si personi më i implikuar në këtë rrjet, pasi bënte transportin e klandestinëve, ndërsa të arrestuarit e tjerë bënin strehimin e tyre.
