Tre të rinj, mes tyre dhe një vajzë kanë rënë në prangat e policisë së Tiranës pasi janë kapur në flagrancë duke transportuar emigrantë të paligjshëm kundrejt pagesës.
Mësohet se, në bashkëpunim me njëri-tjetrin, të rinjtë transportonin klandestine nga Devolli drejt Tiranës, dhe më pas në drejtim të Kukësit, me qëllim kalimin në vendet fqinje, me destinacion final vendet e BE-së.
Personi me iniciale A. V. bënte transportin e emigrantëve, me një automjet “Mercedes Benz”, ndërsa I. D. dhe J. S. qarkullonin me një mjet tjetër përpara A. V., për ta informuar atë nëse kishte shërbime policore.
Në vijim të veprimeve u proceduan penalisht dhe tre shtetasit e huaj, për veprën penale “Kalim i paligjshëm i kufirit shtetëror”. Materialet procedurale i kaluan Prokurorisë së Rrethit Gjyqësor Tiranë, për veprat penale “Ndihma për kalim të paligjshëm të kufijve”, kryer në bashkëpunim dhe “Kalimi i paligjshëm i kufirit shtetëror”.
Discussion about this post