Policia e Lezhës ka proceduar penalisht dy shoferë automjetesh pasi po transportonin lëndë drusore në mënyrë të paligjshme.
Sipas njoftimit, shërbimet e policisë kanë konstatuar dhe ndaluar në vendet e quajtura “Ish-Uzina Rubik” dhe “Qafë Mollë”, Mirditë, M. G. dhe P. Gj., që po transportonin lëndë drusore të prera ilegalisht.
Në përfundim të veprimeve, specialistët për Hetimin dhe Parandalimin e Krimit në Komisariatin e Policisë Mirditë kanë proceduar penalisht për veprën penale “Prerja e paligjshme e pyjeve”, shtetasit M. G., 32 vjeç dhe P. Gj., 56 vjeç, banues në Mirditë.
Materialet në ngarkim të tyre janë referuar në Prokurorinë e Rrethit Gjyqësor Lezhë, për veprime të mëtejshme.
