Katër persona kanë rënë në pranga e policisë së Sarandës për vepra të ndryshme penale. Sipas njoftimit të policisë, mësohet të jetë arrestuar në flagrancë V. T., 36 vjeç, banues në Qeparo, pasi është kapur në vendin e quajtur “Kthesa e Pilurit”, duke transportuar me automjet tre emigrantë të paligjshëm, të cilëve iu kishte premtuar kalimin drejt vendeve të BE-së, kundrejt pagesës.
Gjithashtu, është bërë arrestimi në flagrancë për veprën penale “Korrupsioni aktiv i personave që ushtrojnë funksione publike”, i S. Xh., 53 vjeç, banues në Greqi.
Ky person është ndaluar nga shërbimet e Komisariatit të policisë Sarandë, pasi ishte duke drejtuar automjetin në sens të kundërt me lëvizjen e mjeteve, dhe për të shmangur masën administrative, iu ka ofruar punonjësve një kartëmonedhë me vlerë 5.000 lekë.
Specialistët e Qarkullimit Rrugor në DVP Vlorë, arrestuan në flagrancë dhe F. H., 22 vjeç, banues në Vlorë, pasi u konstatua duke drejtuar automjetin pa leje drejtimi, dhe K. M., 53 vjeç, banues po në Vlorë, pasi u konstatua duke drejtuar automjetin, në gjendje të dehur.
Materialet iu referuan Prokurorisë, për veprime të mëtejshme.
