Tre muaj pas ngjarjes së rëndë që tronditin kryeqytetin, qytetarët janë ngritur sërish në protestë para shkollës “Fan Noli”, aty ku u vra me thikë nga bashkëmoshatari i tij, Martin Cani.
Disa qytetarë dhe familjarë të Martinit, kanë protestuar dhe kanë vendosur lule pranë shkollës ku ai studionte dhe ku u vra pak metra jashtë godinës nga 14-vjeçari Marjo Përlleshi.
Pas protestës para godinës së shkollës, familjarët e Martinit së bashku me shokun e tij, Luisin, janë zhvendosur para godinës së Ministrisë së Shëndetësisë, ku po zhvillohej një tjetër protestë, për vdekjen e 12-vjeçarit Leo Sadiku.
Kujtojmë se autori i vrasjes së Martin Canit, Marjo Përlleshi akuzohet për kryerjen e veprës penale ‘Vrasje në rrethana cilësuese’ ndaj një të mituri dhe kundër dy ose më shumë personave, në dëm të Martin Canit dhe Luis Meçja, shok i viktimës, i cili mbeti i plagosur gjatë sherrit më 18 nëntor 2024.
Pavarësisht deklarimeve të personit të plagosur Luis Meçja se një person i dytë ka goditur me thikë, për autoritetet nuk ka një të tillë.
Prokuroria e Tiranës ka mbyllur hetimet për vrasjen e 14-vjeçarit dhe ka dërguar për gjykim si autor të vetëm, 14-vjeçarin Marjo Përlleshi.
Po ashtu, Prokuroria ka njoftuar se ka nisur një procedim penal për veprën penale “Shpërdorim i detyrës”, ndaj stafit të shkolllës, lidhur me veprimet apo mosveprimet e tyre.
Discussion about this post