Tre pushuese nga Maqedonia e Veriut janë nxjerrë nga deti në gjendje të rëndë për jetën.
Policia e Golemit ka shkuar në vendngjarje dhe ka lajmëuar ambulancën e Kavajës.
Ngjarja ka ndodhur rreth orës 15:30 minuta të ditës së sotme.
Dy personat e parë të nxjerrë nga deti në gjendje të rëndë janë dërguar në spital në Durrës.
Më pas, ambulanca e Kavajës i ka ardhur në ndihmë një tjetër personi, po në atë plazh, që ka rrezikuar jetën.
Pushueset që rrezikuan të mbyten janë të moshës rreth 60 vjeç. Në plazhet e vendit tonë nuk është hera e parë që regjistrohen ngjarje jo të këndshme.
“Pasditen e sotme, në plazhin e Golemit, duke notuar, kanë rrezikuar të mbyten në det, 3 shtetase nga Maqedonia e Veriut.
Menjëherë i është dhënë ndihma e parë nga pushuesit e tjerë, roja bregdetare dhe efektivët e Policisë Kavajë që ishin me shërbim në vijën bregdetare.
Të trija këto shtetase janë dërguar në Spitalin Rajonal Durrës, për ndihmë mjekësore.
Shtetasja Sh. A., 48 vjeçe, ndodhet jashtë rrezikut për jetën, ndërsa shtetasja K. A., 66 vjeçe dhe shtetasja tjetër, ende e paidentifikuar, rreth 60 vjeçe, janë në gjendje të rëndë.
Grupi hetimor po punon për zbardhjen e rrethanave të ngjarjes”, njoftoi policia.
Discussion about this post