Tre të vdekur nga zjarri në një spital në Austri

Zjarri nisi rreth orës 2 të mëngjesit në një dhomë të qendrës së infermierisë, dhe u përhap me shpejtësi. Rreth 90 pacientë u evakuuan.

“Tre pacientë vdiqën sot në një zjarr në një spital në Austri, dhe rreth 90 pacientë u evakuuan nga ndërtesa”, tha një përfaqësues i spitalit që ndodhet në Medling, në jug të Vjenës.

“Shkaku i tragjedisë nuk është sqaruar ende”, vuri në dukje zëdhënësja, ndërsa zjarret e këtij lloji janë jashtëzakonisht të rralla në Medling, me 9 milionë banorë.

Zjarri nisi rreth orës 01:00 me orën lokale, në një dhomë të qendrës së infermierisë dhe u përhap me shpejtësi, sipas një deklarate nga Shërbimi Shëndetësor Rajonal.

Njësia zjarrfikëse ka dërguar 33 automjete dhe rreth 170 zjarrfikës. Në vendngjarje ka shkuar edhe një ekip i Kryqit të Kuq.

Zjarri është vënë nën kontroll pas dy orësh dhe pacientët e evakuuar janë transferuar në ambientet e tjera të infermierisë.