Kjo e diel do të jetë shumë unike për familjen Esposito. Të tre djemtë e familjes nga Napoli, do të jenë të përfshirë në tre finale të ndryshme, secila me shumë vlerë.
Mesfushori Salvatore Esposito, pjesë e Spezias, do të luajë në orën 20:30, në play-out-in mes skuadrës së tij dhe Veronës, për të përcaktuar se cila prej këtyre dy skuadrave do të qëndrojë në elitën e futbollit italian.
Ndërkohë, vëllai tjetër, Sebastiano Esposito, do të luajë me fanellën e Barit në të njëjtën kohë ndeshjen ndaj Cagliari me të cilën mund të ngjitet në Serinë A.
Në orën 23:00, e ka radhën më i vogli i familjes Esposito, Francesco, i cili me Italinë e grupmoshës nën 20 vjeç, do të luajë finalen e Kupës së Botës U-20 ndaj Uruguait, në La Plata të Argjentinës.
Discussion about this post