Një tregtar në Kruje rezulton i zhdukur prej gjashtë ditësh. Edmond Veseli, 56-vjeç banues në lagjen nr 2 të këtij qyteti ka humbur kontaktet me familjarët që prej mesditës së 30 dhjetorit.
Ai është parë për herë të fundit pranë gjimnazit të Krujës, ndërsa familja ka bërë dhe denoncimin në polici.
Deri më tani nuk ka asnjë të dhënë për 56-vjeçarin i cili shiste në pazarin e vjetër të Krujës dhe njihej ndryshe edhe me emrin Edi i Derexhikut.
Raportohet se Edmondi nuk vuan nga probleme të shëndetit mendor dhe si familje nuk kanë probleme apo konflikte. Telefoni i tij rezulton i fikur që prej ditës së shtunë.
Discussion about this post