AKU në zbatim të fushëveprimit të tij ka kryer 134 kontrolle zyrtare dhe monitorime në të gjithë vendin, nga ku ka konstatuar një sërë shkeljesh kryesisht në bizneset si furra buke, pastiçeri, stabiliment përpunim qumështi, baxho, kantinë vaji, thertore mishi të kuq, anije peshkimi, etj.
Sipas njoftimit gjatë kontrolleve zyrtare sot janë dhënë 14 gjoba për aktivitet jo në përputhshmëri me kornizën ligjore dhe rregullatore të sigurisë ushqimore. Ndër të tjera bëhet me dije se, se referuar Planit Vjetor të Marrjes së Mostrave me bazë risku janë marrë 8 mostra për analizim të treguesve fiziko-kimikë dhe mikrobiologjikë.
Gjithsesi ky numër kontrolli dhe masash tregon që AKU vazhdon të jetë tolerante, edhe pse pak ditë më parë Kontrolli i Lartë i Shtetit evidentoi se nuk kishte marrë masa ndaj disa bizneseve në vend. Madje për disa të tjerë kishte falur gjobat, për shkelje të sigurisë edhe pse nuk ka kompetenca si institucion për anulim gjobash.
