Pak ditë larg udhëtimit për në Portugali për t’iu bashkuar Benficas, Ángel di María është protagonisti i një interviste të gjatë dhe intime në televizionin publik argjentinas, ku ka treguar për gjithçka në karrierën e tij.
Fokusi kryesor ka qenë te kombëtarja, për shkak të titullit botëror të vitit të kaluar, por kishte vend edhe për një udhëtim në të kaluarën, pikërisht për momentin kur u largua nga Rosário Central për të shkuar në, në vitin 2007 në Portugali. Më pas, kujton, se si i ka bërë familjes së tij një lloj ultimatumi.
“Kur shkova në Portugali, nuk doja të shkoja vetëm. U thashë, që nëse nuk vinin me mua, nuk do të shkoja. Ishte kërcënimi që futbollistët u të bëjnë gjithmonë prindërve të tyre për t’iu dhënë një jetë më të mire.
Babai nuk punonte, u thashë që nëse do të vinin me mua, nuk duhej te punonin më, se çdo gjë varej nga unë dhe se unë do të bëja gjithçka që të mundesha për t’iu dhënë atyre një jetë më të mirë. Që ata të qëndronin me mua, pasi më kishin mbështetur që kur isha fëmijë”,- kujtoi lojtari anësor, i cili më pas tregoi edhe për momentin kur vendosi të shkonte te Benfica, në moshën 19-vjeçare në atë kohë.
“Ishim në shtëpi, në lagjen time, ulur në tavolinë me përfaqësuesin tim. Ai më tha ‘e kemi këtë mundësi, është vendimi yt’. Shikova babanë tim dhe i thashë ‘ose shkojmë të gjithë, ose nuk shkoj ‘. Qanim bashkë dhe vendosëm që ‘Po’, se treni kalon vetëm një herë dhe ne nuk duhej ta humbnim atë.
Falë Zotit ndodhi siç e kishim menduar dhe jeta do të më jepte shumë gjëra të tjera të mira”,- ka rrëfyer argjentinasi, i cili në atë aventurë të parë në Da Luz fitoi një kampionat dhe dy Kupa të Ligës në tre sezone.
Në mbyllje, Di María u shpreh: “Unë jam në momentin më të mirë të jetës sime, pa dyshim. Me gruan time, me vajzat e mia, me futbollin. Unë kam arritur gjithçka dhe kjo është gjëja kryesore për mua. Familja ime është motori im, bota ime, ajo më lejon të shkëputem nga gjithçka dhe është e dukshme që kur jam mirë në atë kuptim, gjithçka tjetër vjen vetvetiu”, përfundoi ai.
Discussion about this post