Vllaznia apo Partizani, cila skuadër do të jetë në krye të Kategorisë Superiore në përfundim të javës së 12-të?
Gjithçka do të mësohet në përfundim të tri ndeshjeve të fundit të kësaj jave, që luhen në dy orare të ndryshme.
Fillimisht në ora 14.00 do të zbresin në fushën e “Adush Muçës”, në Ballsh, Bylisi dhe Laçi, dy skuadra që mbyllin tabelën e klasifikimit dhe që ndahen nga vetëm një pikë, me ballshiotët të fundit në tabelë.
Më pas, në orën 18:00, luhen AF Elbasani – Dinamo dhe Partizani – Teuta.
Ngjeshja në tabelë sugjeron se situatat mund të ndryshojnë rrënjësisht në varësi të rezultateve. Si AF Elbasani dhe Dinamo me një fitore të mundshme katapultohet në krye, me distancë një ose dy pikë nga Vllaznia.
Por sigurisht që përfituesi më i madh në rast suksesi do të ishte Partizani, i cili do të rifitonte kreun me dy pikë më shumë se Vllaznia.
Discussion about this post